陳霽平打出一片天

精通多國語言的陳霽平（Maria）獲眾多高級品牌青睞，不少大騷都會找她做司儀，現時的司儀工作更已排至四、五月！亦是前無綫藝員的她，約四年前決定離巢向外闖：「同無綫簽約到尾聲嘅時候，覺得沒甚麼發揮機會，我又係一個鍾意新挑戰嘅人，最後走咗，感覺自由啲，可以自由亮相唔同電視台。」

賣口乖讚「魔童」

做慣司儀的她今年做了個重大決定，加盟「魔童」王維基旗下的「城市電訊」，期望有機會拍多些電視劇。談到老闆王維基，她更是讚不絕口：「佢好搞笑、大膽同有自信，夠膽嘗試，香港電視圈已經等咗好耐，其他國家已經不斷進步緊，只有香港冇乜變化！」

陳霽平加盟王維基旗下，望可創出事業高峰。

陳霽平對拍劇興趣濃厚，加盟城市電訊後望能有更多發展機會。

之前她亦參演了一部即將參展的獨立電影，對於在電視圈的發揮，她除了有興趣拍旅遊及時尚等綜藝節目外，對拍劇亦興趣濃厚，好似美劇《色慾都市》的愛情故事，而練開瑜伽的她對做打女亦絕不抗拒，不過最緊要劇本好，她期待未來可跟剛加盟的黃日華及劉玉翠兩位前輩合作。

場地：Central/Central

服裝：EQ:iQ

化妝：諺瞳小白@picturesquegate

髮型：Andy Wong@Chin. G