Twins拋開束縛 出神入化
人氣組合Twins入行逾10年，雖然蔡卓妍（阿Sa）和鍾欣桐（阿嬌）多年來經歷不少考驗，但每次都攜手化解，孖妹表示經歷多了，人也睇化了，拋開所有壓力，做好眼前工作。
Twins不經不覺已加入樂壇11年，早前她們推出全新廣東專輯《2-BE-FREE》，單看字面已感受到孖妹要解除束縛，嚮往自由自在。事實上，阿Sa和阿嬌近年來經歷不少風浪及考驗，但慶幸兩女每次咬緊牙關，攜手闖過。
「Sa嬌」不諱言今年是最無顧慮一年，阿Sa說：「做人坦然咗好多，比起以前變得輕鬆，冇咁多負擔，可以好舒服咁講好多嘢。」阿嬌則說：「依家好多嘢都睇化咗，冇咁大壓力。」
做好工作 祈求突破
阿Sa透露今次專輯依然具備「Twins式情歌」，但感覺不同。她說：「快慢歌都有，以前情歌好似講啲唔講啲，但今次歌詞會廣泛啲。」提到孖妹以半裸造型拍攝專輯封套惹起熱話，她們笑言意識大膽，但聽到讚美之聲亦感開心。
很多藝人或歌手到了某個階段，很容易出現「樽頸位」情況。Twins希望快將開全新演唱會，務求給歌迷新鮮感。孖女亦渴望在影壇有突破演出，阿Sa說：「我哋依家心態冇話追求啲乜，最緊要有突破，做好眼前工作。」
蔡卓妍 化妝：Natalie So@ND & Co. 髮型：Sing Tam（Oriental4.com.hk）
鍾欣桐 化妝：yanchiu@ND & Co. 髮型：Daniel@Chin G.