太極性感戰衣鬥草蜢
太極樂隊昨日召開《Band of the Town演唱會》記者招待會，相隔7年終可以返回紅館開騷的太極表示舞台將會採用四面台，是為了能與粉絲親密互動。太極並自爆屆時會穿上性感戰衣大跳辣身舞，還會請來組合草蜢及邀請多個舉足輕重的樂隊，展開Band林大會，於台上與他們切磋。
被問到日前Mr.樂隊隊員Ronny住劏房，太極說：「咁又唔可以話夾band冇錢賺，都夠畀家用嘅。不過初頭入行實要捱o架啦，我哋以前曾經十幾個人逼百幾呎嘅房。」他們還笑言：「三十年前我哋窮到連髹Band房嘅錢都冇，結果大家一齊髹不知幾開心，所以可以一齊做自己鍾意嘅嘢就唔覺得辛苦。」