拉之抱抱送禮認老友

郭晉安、陳法拉、陳敏之、呂慧儀和何傲芝等劇集《東西宮略》演員前晚在尖沙咀齊出席飯局睇劇。近日有傳陳法拉和陳敏之拍攝該劇時不和大鬥法，鬥遲到及鬥度期請假。事有湊巧，前晚兩人又齊齊玩遲到，陳敏之遲了半小時，陳法拉則遲贏陳敏之，足足遲了四十分鐘才到場。陳敏之隨後又拉攏陳法拉合照，兩人更攬頭攬頸，陳敏之笑謂：「等我哋影番張不和相先。」陳法拉其後又向陳敏之送上禮物。

角色遭狂插

郭晉安接受訪問時被問到她們的不和傳聞？他笑說：「佢哋成日都不和o架啦，我要幫美人（陳敏之）講說話，法拉真係唔啱。其實我度期最多，我最紅。」陳敏之中途加入訪問，她否認與法拉不和：「大家都有度期，大家都有溝通嘅。有時知道未來開工嗰幾日都冇得瞓，所以大家一齊就一就遲少少，大家合作得好開心，係好朋友冇不和。」陳敏之又謂夏迎春角色惹來網民狂插，她說：「好多人想關注我嚟鬧我，我究竟做錯咩？」

陳法拉和陳敏之攬頭攬頸外更玩送禮物。	放大圖片	郭晉安（左四）率一眾《東》演員齊出席飯局。

狂跑步練氣

至於陳法拉被問到是否和陳敏之鬥遲？她說：「唔係，我哋之前都有嘢做，我哋夾咗時間嚟嘅，私底下大家好Friend，唔會畀報道影響，同埋大家性格好直，如果真係不和，冇可能喺人哋面前扮Friend。」近期忙錄歌的她要跑步練氣，問她可擔心跑步時被追訪？她笑說：「我係神犬法拉，背後有眼嘅，其實做運動都冇乜嘢呀。」陳法拉謂不會找男友陪跑步，因怕惹來更多狗仔隊。

採訪：影視組