高海寧飄移 深坑藏米
谷胸上陣的高海寧昨以「紫荊俠」的造型為綜藝節目錄影，於飄移快車中需要「倒米」玩遊戲，最終其一向夾死蟻的深溝更夾住幾粒米落車，搞笑得來又不失性感！
穿上see through的高海寧與「神奇女俠」張嘉兒、何傲兒及劉俐昨為節目《五覺大戰》中的飛車環節錄影，谷胸上陣的高海寧於錢嘉樂駕駛的「瘋狂快車」上需要「倒米」及入子彈，帶着一頭亂髮下車的她除了滿口黐滿大米外，其驚人的深溝更夾死「米」，非常誘人！
問到會否怕被聯想到較色情的層面時，高海寧即詐傻說：「嗰啲叫派米咩？唔係派雪糕咩？紫荊俠都係做慈善啫！」之前神獸天使曾於此環節走光而備受爭議，問她會否抗拒演出，她說：「公司畀嘅工作我都唔會推，同埋我覺得幾好玩，信得過嘉樂仔手車。」談及於車中玩倒米，她興奮地說：「架車一『chok』成包米都倒晒落個身度，所以都要清理番現場。」同時她說：「好好玩，如果唔使做其他嘢我就可以享受吓個速度感覺，可以嘅話我都想玩多一次！」而嘉樂仔見到高海寧拿着兩包細米下車時，即笑說：「佢係正常人，有兩包米！」
天明否認有B
而最近傳出未婚妻周家蔚有喜的洪天明，被問及是否「雙喜臨門」時，他說：「冇喎，以我所知就冇囉，（恨生龍B？）不嬲都恨，隨緣啦！」問他是否因未夠三個月唔講得？他則搞鬼說：「冇，除非佢同第二個生啦，（唔怕佢嬲？）佢知我把口，不過如果真係有咗，最開心就係屋企人。」另外，對於有傳他曾與李泳豪「新歡」Miki拍過拖，天明表示：「人哋嘅事我唔理，我都結婚啦，（識佢？）真係唔知邊個。」
文：影視組