陳偉霆揸百萬戰車冧女

陳偉霆（William）近年在影壇發展不俗，先後擔任多套電影男主角，包括《出軌的女人》、《前度》及已開拍的英皇電影《紮職》等，由於吸金力強，William已是圈中的隱形小富豪，早前更豪擲過百萬買下全黑BenzG350新款四驅車。

約埋詩雅拜會陳惠敏

日前William駕駛落地剛1個月的新車到觀塘拜會以飾演黑道中人聞名的陳惠敏為《紮職》取經，由於該款戰車頗為炫目，甫出現即惹來途人起哄，有女學生大叫「William好靚仔」的同時，亦有男途人主動向他打招呼兼稱讚其新車有型有款。

陳惠敏（左）講到指手畫腳，向後輩William及詩雅教路。

離開時，陳惠敏拍拍William的膊頭，似乎十分看好他。

之後William會合同公司的詩雅、經理人、導演與陳惠敏到茶餐廳午膳，由於當時正值午飯時間，不少餐廳內外的市民第一眼便認出眾人，並對有藝人光臨觀塘工業區大感意外。席間，陳惠敏發揮前輩本色，指天篤地講古仔，詩雅及William則表現得全神貫注。眾人暢談約半小時離開，陳惠敏更搭着William膊頭面露喜悅之色，似乎對他相當看好。

棄跑車遷就「屋企人」

事後William直認與陳惠敏會面，並透露主要為《紮職》取經：「因為我喺套戲入面做一個食腦嘅蠱惑仔，惠敏哥主要都係教我平時講嘢嘅語氣同手勢應該係點。」談到為何如此捨得豪擲過百萬買新車？William說：「其實買完都肉赤……初出道嗰陣好想有跑車，但過咗幾年覺得人大個咗，所以就換咗一架既有型而屋企人又坐得舒服嘅車喇。」不過William卻不願回應女友蔡卓妍是否他指的屋企人之一。

文：影視組