祖兒願搭路 薦Kay入英皇

祖兒前晚出席保時捷911新車揭幕儀式及派對，並即席獻唱三首歌，同場有新星吳千語、郭秀雲、龐錢景峰等。

揸車唔鍾意挑釁

目前擁有三架車的祖兒，已足夠日常需要之用，談到其駕駛技術，她說：「揸車係我公餘嘅樂趣，我手車OKo架，因為長時間工作都係坐公司保母車，所以會規定自己間中揸吓車，以免生疏。（有冇試過飛車？）我好安全，飲咗酒或者去party都唔會揸車。（有冇試過畀隔籬車嘅司機撩？）有，因為認得我，我會揸得好慢，激死佢，我唔鍾意呢啲挑釁。我架車窗冇茶色玻璃，一眼就睇到我，試過畀一家人拍打我嘅車窗玻璃。」又說沒有收過別人送的車，只收過老闆楊受成送的車牌。

祖兒坐在全新保時捷911內高歌。

吳千語盛裝出席保時捷新車派對。

有報道指謝安琪（Kay）以四百萬跟唱片公司解約贖身，祖兒可會引薦Kay入英皇？她大方的說：「好o架，如果公司有興趣簽啲唱得嘅人。（唔驚佢威脅到你？）我當然係唔驚先會招攬佢，我好欣賞唱得之人，佢出道時我已經覺得佢把聲好靚。如果佢真係入我公司，我可以幫佢搭路。（會唔會做主動？）除非係兩邊其中一邊有興趣，我唔會做啲雞仔媒人。我唔知佢嘅去向，但祝福佢有好嘅發展。」

望能冇界限合作

至於Kay對於祖兒的一番好意，昨日她透過電話表示：「做歌手最希望係有好好嘅空間做自己滿意嘅音樂，如果可以冇界限自由合作，當然希望樂壇有呢一日。」

文：名人組