Baby撈埋MC舌戰志偉
香港影壇盛事「第卅一屆香港電影金像獎」將於下月十五日舉行，大會除已廣發「英雄帖」，邀請候選影帝影后如葛優、姜文、高圓圓、周迅任嘉賓外，今年大會司儀陣容亦已定。因今屆金像獎將以年輕、新勢力為主題，故司儀團亦以此為目標，請來新勢力導演鄭中基（電影《心想事成》導演）、新勢力監製林家棟（電影《打擂台》監製）、新勢力老闆曾寶儀（電影《殺手歐陽盆栽》老闆之一）以及新勢力女演員Angelababy組成，四人都幽默善言，聯同金像獎「老牌」司儀曾志偉，令今屆金像獎頗有睇頭！
斟現場直播
另外，今年無綫將會播映金像獎，據知無綫正與有關方面斟現場直播，避免有往年被剪得支離破碎的情況出現，而當電視台播廣告時，主持、頒獎禮表演嘉賓便會組成「冷笑話團」，義務幫手「棟篤笑」娛賓！
記者就司儀陣容以及無綫是否直播頒獎禮致電金像獎，其發言人表示：「依家乜嘢都仲係好初步未定實，所以唔方便回應。」
文：影視組