陳豪預習娶茵媺氹番

陳豪與陳茵媺（Aimee）昨天既切蛋糕、簽字外，更大玩拋花球，十足預演婚禮一樣，不過陳豪竟表示：「真係有啲尷尬，（預演婚禮？）咁大個仔都未試過！」Aimee就自言只當作演戲，問她是次對手是男友陳豪會否特別開心？二人即大笑不語，表現甜蜜到漏！陳豪更大讚女友的新娘look：「好靚、beautiful、爆分！（暈浪？）OK嘅，好靚，我指個場地！」

欲低調關係

二人指是次以「開心價」接騷，那他們是兩份酬勞一個人收？陳豪即笑說：「邊個收都冇所謂啦，最緊要開心！」記者笑言他嫁得過時，Aimee就冧說：「慢慢嚟，唔好心急過我哋。」至於問到二人將來的婚禮會否如此大方公開時，陳豪謂：「到時先算啦，暫時以工作為先，（婚事？）take it slow！」Aimee亦稱：「其實都想將我哋嘅關係低調處理。」

陳豪與陳茵媺被安排如同簽字的環節，十足預演婚禮！

陳豪一度認錯女友的玉手。

活動上，陳豪一度認錯女友玉手，問Aimee會否回家扭他耳仔？她笑說：「佢搞氣氛啫。」是次已是他們第二次以婚禮形式出席活動，似戀情被擺上枱，Aimee表示只當工作，而且跟陳豪一齊開工很開心，故不會介意。

拒沉迷過去

陳豪前緋聞女友廖碧兒日前受訪時似埋怨他單方面宣布分手，他表示：「過咗去嘅事唔方便畀任何回應，向前展望、為將來努力先係我嘅方針，（Aimee在旁唔方便講？）第一啦，我都奇怪你哋（指記者）會咁問，（同女友交代？）一向冇傾呢啲問題，我唔會沉迷過去，只會為將來努力！」而Aimee亦幫口說：「諗得正面啲，開開心心最重要！」另外，有指陳豪於馬來西亞的咖啡店結業，他聞言即低調說：「私人事唔講啦，總之依家我冇搞啦！」

文：影視組