G.E.M.潮到東京嗌好high
G.E.M.於3．11當晚在東京參加音樂會，跟台星吳建豪、唐禹哲，以及日星陽光直人等歌手同台交流，陽光直人還教G.E.M.講辣妹流行日語：「我情緒好high！」被蒙在鼓裏的G.E.M.傻更更照講，全場捧腹大笑。
G.E.M.（鄧紫棋）於上周日在東京Dome City Hall演出「Asia Music Connection」，前晚才返港的她接受本報電話訪問說：「雖然之前因工作簽證問題被扣留，但今次演出好順利，場館啲聲好好，雖然觀眾唔識我，但反應好熱烈。」
首次到日本演出的G.E.M.心情興奮，還特別學了幾句日文跟觀眾溝通，她說：「好似『我嚟自香港嘅阿G.E.M.』、『你好』咁，陽光直人仲教我講咗一句日文，自己唔明點解，但講完全場都笑，後來先知係o架妹或者學生先會講嘅流行用語：『我情緒好high』，真係好抵死，哈哈。」
無懼輻射擦刺身
由於演出當日正值3．11一周年，G.E.M.特別預備了兩首歌《Mercy On Me》和《If I Ain't Got U》祝福日本人，她說：「呢兩首歌係唱畀曾經傷心過嘅人，希望佢哋感受到溫暖。」她謂在日本期間沒有擔心輻射，還勁食刺身大飽口福。
文：音樂組