楊梓瑤犯三宗罪公司照肺
近日甚少出席公開活動的「浸大E神」楊梓瑤（Carol），日前出席活動時爆出「搵唔啱經理人」言論，結果觸怒她的模特兒公司。據知Carol的言論只是與公司鬧不和的導火線，原來Carol近半年來已犯下遲到、揀job、冇禮貌等三宗罪，如月前一個拍攝工作遲大到近個多小時，令全場呆等，而且她接工作均諸多藉口，加上與公司同事極不融洽，公司早已對她有微言，故今次公司有意將她放入雪櫃，並於日內召回公司「照肺」！
昨日其公司發言人未有否認Carol的罪狀，他說︰「大家確實出現不少問題，相處唔算融洽，合約寫明佢係公司全職模特兒，當然佢讀書大家會就時間。公司事前唔知佢咁講，確實震驚，之後會搵佢傾，睇吓大家有冇共識，如果冇，雪藏係最後嘅選擇。」而楊梓瑤至截稿前仍未回覆。