廖碧兒開刀臥床雙重打擊
廖碧兒被指拜金女狠撇陳豪與「富二代」林忠豪交往，形象受損，面對種種指摘，時至今日，回復單身的廖碧兒談起「雙豪」事件，坦言最感愕然是陳豪單方面發表分手論，並稱自己當時正面臨腰傷的大手術，陳豪卻不聞不問。
華姐出身的廖碧兒入行11年，緋聞不算多，數得出的除最早的劉愷威外，還有05年因《心花放》而開始的陳豪，不過，最「要命」的卻是去年傳出與「富二代」林忠豪撻着而撇陳豪的緋聞，令廖碧兒大為困擾，卻因腰傷要面臨大手術而沒有心情去處理。
當陳豪在訪問中稱與廖碧兒分手，直令她大感愕然：「我好纏擾，再加上我身體偏偏喺呢個時候響起警號，瞓喺醫院面對大手術，佢卻公開以『過去都已經過去』嚟形容我哋之間嘅關係，老實講，我當時真係好驚訝，首先我同佢從來冇承認拍拖，點解佢會咁講？不過嗰時無暇去關心呢啲事，反而擔心自己手術後可唔可以再企起身。」
留下開心回憶
廖碧兒住院期間，陳豪從無探訪，這個單方面的分手宣言在她臥病期間發生，她無力面對更感到傷心，她說：「其實我哋冇聯絡，都唔重要啦！即使係咁，我都唔會對呢個人失望，因為每個人做法同睇法都有唔同，最重要係尊重自己。（點形容你哋關係？）就係螢幕情侶，開心事留番回憶中。（林忠豪係情侶？）唔係！（追求者？）哈哈！你應該問番當事人，其實男未婚、女未嫁，約會食飯係好普通嘅事。」
文：影視組
攝影：李柏儒
服裝：Escada
化妝及髮型：Pauline Chan