黃宗澤唔送外賣杏兒詐型
藝人黃宗澤（Bosco）昨出席商場的白色情人節活動，與女友胡杏兒的戀情被「擺上枱」，活動上除獲烹製杏仁茶外，更獲送一個「黃胡」的咕臣！問Bosco將如何度過白色情人節，他笑說：「有人喺內地拍緊嘢，我都唔會送外賣嘅！（畀驚喜？）唔知。」問到杏兒於內地拍劇是否辛苦時，Bosco就表示：「佢好似拍得好他條，不過佢都有詐型話我唔去探班，（點氹番佢？）叫佢快啲返嚟！」他又大爆杏兒身價：「我同佢講，我哋唔見一排，佢賺幾百萬番嚟仲想點，佢都話『又係喎！』」
另外，有指歌神許冠傑打陳豪、黃德斌及林保怡主意，為其下月個唱擔任嘉賓，獻唱《年少無知》，Bosco即謂：「真係幾羨慕、幾正，我都知首歌好hit，我冇睇電視都識唱！」他又透露有意於今年出唱片。
