岑潔儀為老公同男性絕緣

新婚的岑潔儀，與影壇新人吳千語、藝人丁樂鍶昨日擔任婚紗展模特兒。戴着五卡婚戒的岑潔儀冧爆表示婚禮過程相當感動，坦言婚後希望繼續工作，但老公卻想她退出娛樂圈。問到有指李思捷對她「抽水」？她即劃清界線地說：「我唔希望再講佢，我老爺唔鍾意。我以後都要同所有男性絕緣，因為我老公會呷醋。（老公有冇問你？）其實我同佢拍拖時已經乜都講，佢都有鼓勵我。」而同場的丁樂鍶被問到好友王宝宝男友李思捷被指「抽水」？她回應：「我唔知咩事，不過聽宝宝講思捷對佢好好。」而吳千語則透露希望將來的婚禮在小島舉行。