Alice B.冧滾友 有飛有date
Lady GaGa來港開騷，掀起一陣撲飛熱，現時零飛在手的混血女模Alice B.，半開玩笑說要求有飛的朋友，犯禁在場內偷拍片段給她觀看，更自爆最想睇英國樂隊Radiohead的搖滾樂騷，自封rock girl的她，竟開出有飛可以跟她約會的條件。
Alice B.前晚出席「香港青年時裝設計家創作表演賽」擔任模特兒，示範一襲露背裙子時，露出六舊腹肌。
練出六舊腹肌
現場所見，擁有蜜糖膚色的Alice，腹部猶如一排朱古力，她說因近期沉迷玩互動遊戲，每晚玩到通宵達旦，長達七個小時，才練成六舊「朱古力腹肌」。提到Lady GaGa的撲飛熱，她說：「之前冇時間排隊，惟有等人喺場內拍啲video畀我欣賞吓。（愛唔愛Lady GaGa？）唔可以話愛，係尊重，佢有一把好好聽嘅聲音。」
她說自己其實最喜歡英國搖滾樂隊Radiohead，計劃年底飛澳洲睇騷，她說：「佢哋7月喺台灣開騷，原本我7月生日好想去，但知道已經賣晒飛，希望12月去澳洲睇，順便過聖誕。（如果有男士買演唱會飛會否畀機會他？）其他情況一定會say no，呢樣可破例同佢約會吓，呢個係追我嘅秘密武器！」
想老公似碧咸
同場的「翻版關之琳」模特兒Jocelyn重提其模特兒夫婿Anthony的陳年裸照時，自言感到好驕傲，笑言：「男女都鍾意佢，我覺得好幸運。佢好尊重我，唔會做啲傷害我嘅嘢。」更將Anthony與萬人迷碧咸半裸照相比，也希望老公將來有朝一日成為萬人迷。另外，昨日Jocelyn與Anthony一同出席一個有關小朋友的活動，對於何時造人？她說是3、4年後的事。
文：名人組