羅貫峰踩入美容界 親自sell客
與湯盈盈同期出道，現任無綫節目《都市閒情》主持的羅貫峰（Damon），除了與友人合資BBQ酒吧外，還打理醫學美容中心生意，相當忙碌。Damon透露美容中心開設逾三個月，與兩位友人合資，投資逾七位數字，Damon直言最大開支是購買美容儀器，相當昂貴：「依家舖位約700呎，其實最貴係儀器，每部要60萬港元，幾年前已經想開店，我嘅拍檔係女性朋友，做開美容行業，而且自己平時都有做Facial習慣，雖然我唔會落手落腳美容，但作為老闆，都要知道每部儀器嘅內容，要向客人講解。」
強調做良心生意
問到生意額如何？Damon說：「生意額OK呀，都係要守嘅，未算好有錢賺，但我鍾意做『良心生意』。（有乜難度？）如果收費收得貴，啲人會覺得不如出去診所或搵其他醫生做，但若然我收得平，啲人又以為係咪呃人o架，呢個平衡點好難搵，所以我會叫身邊朋友嚟免費試做，男女均可，但只限面部清潔。」Damon表示會以口碑吸納生意，他說：「一定要有效果，寧願慢慢嚟，吸納多啲生意。」
瓣數多多 勤力嘗新
羅貫峰除了演戲、主持及開設醫學美容中心外，Damon還在尖沙咀經營BBQ酒吧，以及開設室內設計公司，稍後更開中菜館，主打海鮮及小炒，瓣數多多，他說：「室內設計暫時主要集中喺家居及商舖設計，好多時我都要落手落腳去同啲客傾。（難度呢？）有啲工程接咗返嚟未必做到，因為係好大Project，所以都未必接。」
場地：Platinum Medical Beauty@銅鑼灣