薛凱琪嬲爆誓捉黑手

Fiona的新歌《9:55pm》MV本來安排今個星期才推出首播，但前晚Fiona卻在網上驚見瘋傳，發現有網民未經授權非法公開上載上網，令她與唱片公司震驚，Fiona直斥：「這行為等同盜竊，唔可以唔正視，希望大家尊重正版。」

除了Fiona的MV，之前她的緋聞男友方大同的歌曲《好不容易》MV都發生過類似情況，甚至Fiona未見出街的唱片封套都試過被網民偷取上載，她覺得問題嚴重，她說：「網民盜竊嘅版本可能未完成，質素都可能未做到最好，咁樣係有影響，（係咪黑客入侵？）唔知，因為運作途中都可能出事，但我只想大家知道唔係偷取實物先叫盜竊，（會追究？）追究方面交由唱片公司去處理。」大同也力撐Fiona指摘網民做法不該。

聯合同行起訴

Fiona所屬的華納唱片高層坦言事態嚴重，會跟律師商討，考慮報警處理，必定追究到底，高層說：「邊度出問題真係要深入調查，因為好幾個渠道都會掂到MV，唱片公司會跟網站聯絡，希望揪查出非法盜竊的網民。」華納隨即在微博作出聲明（左圖），將聯同其他公司對該網民作出法律起訴，以維護寶貴的知識產權。

文：音樂組