李泳豪拒食死貓：好荒謬！
楊思琦自揭在美國誕下女兒後，昨日凌晨又突然上載初生囡囡照片於微博，雖然有指生父是吳帥，但思琦一直拒絕透露經手人，故B女照曝光後，竟有網友指似舊愛李泳豪，豪仔聞言怒斥：「好荒謬！如果個BB係我，唔使搞咁多嘢！」
正當李泳豪欲與中韓混血索女Miki展開新戀情之際，身為舊愛的楊思琦昨日凌晨在微博「贈興」，繼自揭生女後，再公開兩張愛女Krystal照片，體形的骰的Krystal跟母親一樣「細細粒」，在米妮公仔旁更見嬌小，母愛氾濫的思琦更禁不住代愛女留言「我比米奇還要小呢」，另一張則為「可愛的睡寶寶」照片，雖然思琦有女萬事足，但始終不肯交代生父是誰。
「幾個月冇親熱」
由於思琦在美國洛杉磯產女後，有指吳帥全程冇影，完全不似初為人父所為，加上思琦在接受訪問時，坦言目前單身當未結婚，身為未婚媽媽的她將B女照曝光同時，竟有網友認為耳大、鼻大的B女，反而似思琦舊愛李泳豪多些，加上思琦有孕時，當時仍未與豪仔分手，時間上出現可能性，故思琦女兒生父之謎又再被揣測討論。
記者曾以短訊追問思琦B女父親是誰，更有人質疑豪仔才是生父，對此她一概表示不作回應。至於豪仔昨日在電話中驚聞網友指B女似自己，懷疑他才是生父，登時嚇了一跳，豪仔怒斥說：「人哋生女係開心事，點解要搞到咁複雜？話我係BB爸爸？好荒謬！如果個BB係我，思琦唔使搞咁多嘢！」
當被追問何以如此肯定BB不是自己時，他則顯得尷尬說：「其實我唔想講，但真係唔想再咁糾纏落去，我舊年二月至五月又拍劇又教車，好忙，雖然當時思琦仲喺我屋企住，但好多時都返咗佢媽咪度瞓。我哋幾個月冇親熱，點會有BB，希望大家放過我，放過思琦啦！等思琦專心做媽媽。」
好好同Miki溝通
此外，豪仔昨日出席宣傳《結．分@謊情式》時，有記者向他展示思琦B女照，他笑言：「幾得意！過咗去嘅事，冇得計較，祝願佢平安。（之前講到你好似會照顧思琦同B女？）我只係話思琦有乜需要，我盡量幫。（仲有聯絡？）冇聯絡，唔講呢啲。（女友Miki擔心你同思琦復合？）唔使擔心，我會同佢好好溝通。」
文：影視組