雯女發老脾 蔡少芬攣得起

鄧萃雯（雯女）、蔡少芬、陳豪等昨日出席無綫重頭劇《金》的造型活動，之前此劇於節目巡禮的宣傳片中有蔡少芬與鄧萃雯的接吻鏡頭，但身為基督徒的雯女日前表示若此劇鼓吹同性戀便不接拍，事後她遭炮轟偽善。

記者昨日問及兩位同既是女主角，又是基督徒的鄧萃雯、蔡少芬時，二人的反應大有分別，今次飾演如妃的鄧萃雯忽然被「撻着」，問她是否接受不到同性戀劇情及劇本是否因她而改時，她不耐煩兼發老脾謂：「唔好問呢個問題，依家好似冇呢啲，冇呢啲嘢你哋仲要講，演員係被動嘅，呢啲你哋應該問監製、創作人。」

鄧萃雯與陳豪出席《金》造型活動，鄧萃雯對於同性戀劇情不想多講。

蔡少芬（左）將在劇中飾演奶媽，但笑言不用餵奶。

蔡少芬唔拍鬼戲

相反，記者問蔡少芬時，她則謂：「演員係忠於劇本，依家都唔知點，我哋今日先知聽日的劇本，（會否抗拒？）演員就係演員，電視尺度有幾多呀，乜嘢題材最緊要。只要過到我立場、道德就OK。」她表示會欣賞基督徒決定，亦坦言自己都有負擔，不會拍鬼戲，但坦承拍過同性戀戲。

而在劇中，蔡少芬及葉翠翠都飾演奶媽角色，但蔡少芬笑言劇中不用餵奶。至於監製戚其義則否認為雯女改劇本，他謂：「唔關事，只不過處理上好難，（有演員唔肯拍？）唔係。」

六月北京拍外景

今次陳豪劇中演戲班大老倌，昨日更即時唱了兩句崑曲，問有否唱給女友陳茵媺聽，他笑言：「我畀你哋聽第一次。」而同劇的蔡淇俊回應父親之前被扑頭的事件，他表示現時警方還調查當中，他指其父腦部受創，有部分失憶，不過康復情況理想。

此外，戚其義、編審周旭明之前被傳會離開無綫，昨日問到此劇是否最後佳作時，二人齊齊否認。而戚其義表示此劇六月會到橫店及北京拍攝外景。

文：影視組