薛凱琪贏錢王晶敷衍
薛凱琪（Fiona）、杜汶澤、王晶等前晚出席電影《爛賭夫鬥爛賭妻》慶功宴，對於該片上映10天票房直逼500萬，眾人也大表高興，還即席開賭局與眾同樂，Fiona以一枚價值600元的戒指作賭注，結果勝出，但晶哥卻說：「買指環，賠子宮環囉！」並只給予Fiona一百元獎金，相當抵死。
阿澤受訪時指若片中加插Fiona的色情戲份，票房分分鐘達千萬，又取笑她只能與緋聞男友房祖名有親熱戲份，Fiona回應：「呢部係笑片，要加鹹戲就係畀佢自己，我同祖名只係戲種需要！我好公平，無論男女乜國籍，只要劇本需要又唔賣弄，我會接受。」阿澤被問到舊拍檔熊黛林與郭富城傳分手時，他說有看報道：「但我又未同佢熟到傾私人問題，都係當娛樂新聞咁睇啦。」