祖兒「教精」兩師弟 互爭上位

英皇娛樂、英皇電影昨晚假灣仔會展舉行春茗晚宴，筵開達70席，旗下巨星傾巢而出，除有霆鋒、祖兒、基仔外，還有Twins、陳偉霆、林峯、王祖藍、鄭希怡、林欣彤等，嘉賓有陳志雲、任達華、謝婷婷及男友安志杰等，星光勁過無綫台慶！英皇更隆重宣布無綫視帝鄭嘉穎及亞視星光幫出身的羅力威加盟，並舉行歌手簽約儀式，英皇新一年再錦上添花。

祖兒、霆鋒、基仔和阿Sa被安排跟老闆楊受成夫婦、成龍、華誼兄弟高層王中軍、博納高層于冬、TVB新老闆陳國強夫婦同坐主家席。祖兒自言已準備數萬元作抽獎之用，有謂她身為過億富婆出手太低？她即拖老闆落水說：「楊（受成）生夠有千億身家啦，呢啲場面梗係唔做風頭躉。」

英皇老闆楊受成安排祖兒及霆鋒同坐主家席，可見對二人甚為愛錫。

羅力威

霆鋒託栢芝照顧兩子

談到有傳無綫要求歌手簽約才可亮相，致無綫跟四大唱片關係又有變，祖兒驚訝問：「吓，又變番僵？如果要簽約先上得節目，都幾『得意』。（係咪唔簽約較好？）OKo架，都係新年願望，唔好搞到咁僵，歌手都想有多啲渠道宣傳自己啫。」祖兒又稱早已知鄭嘉穎和羅力威兩位新師弟加盟，有謂嘉穎和林峯「一山不能藏二虎」？她覺得有競爭才有進步，所以鼓勵兩人「自己慢慢爭」。

簽約英皇的嘉穎（中）獲吳雨和樂易玲昨晚撐場。	阿嬌（左）、阿Sa（右）	霆鋒與婷婷久未合照，俊男美女，果然養眼。
林峯受訪時否認與嘉穎是「一山不能藏二虎」。

霆鋒和妹妹婷婷合照後，透露即將和公司員工到馬來西亞旅行，因怕兩子曬傷，故交由在港的前妻栢芝照顧，問他栢芝是否已搬離鄰近他的「奕居」？他坦言：「走咗，（有冇上過佢新居？）有上過去。」又點頭承認栢芝現居世紀大廈。

林峯否認阻撓「師弟」

Twins則稱事前不知鄭嘉穎和羅力威加入英皇大家庭，望有機會跟兩位師弟合作。至於趁劇集放飯時間趕到的林峯，否認曾阻撓嘉穎加盟的傳言，笑言可跟嘉穎名正言順做師兄弟，亦不存「一山不能藏二虎」之說，因大公司自有雄厚資源，況且兩人風格各有不同。

採訪：音樂組、影視組