蔡恩真遊菲島解峰曬銅顏

擁有34C驕人上圍的韓模蔡恩真（EJ），早前趁着假期，隻身前往菲律賓宿霧旅遊4天，探訪移居當地的韓國好友。熱愛陽光與海灘的她，當然要讓咪咪進行大解放，準備了數款火辣比堅尼戲水，實行同陽光玩遊戲！

蔡恩真與友人被迫用水杯飲紅酒，顯得相當無奈。

蔡恩真興奮跳海。

帶波齊齊玩

曬得一身古銅色皮膚回港的她笑言：「我哋日日都去沙灘一邊曬太陽，一邊傾偈，飲埋鮮榨果汁，真係透心涼！而且我哋好耐冇見，可以敍舊真係好開心！」可惜友人不諳水性，EJ只能獨自游泳，但她亦專誠準備了沙灘波與友人嬉戲，以免她悶得發慌。

有特別待遇

至於她的夜生活亦同樣精彩，友人每晚均帶她到不同的餐廳用膳，以及到當地的夜店見識。雖然沒有艷遇，卻發生了一段小插曲，EJ笑言：「有一晚，我哋買咗支紅酒諗住去間餐廳飲，點知個侍應話唔可以帶外來酒。我哋就係咁求佢，最後靜雞雞畀我哋飲，但係就唔畀酒杯我哋，被迫用水杯飲，真係好搞笑！」文：名人組