阿姐護主底厚唱唔衰

黃宗澤稱無綫是他入行第一份工，堪稱飲「TVB奶」大，他昨在電話力挺無綫是電視界金漆招牌：「我服務咗無綫十年嘞，身為無綫人，我覺得出到去絕對受到重視及尊重，好處又多，好似我哋無綫人出去做騷叫價都高啲，無綫個名都馨香啲啦！講到自由度，我唔覺得有問題，即使我係包薪約，一樣可以拍到外邊嘅劇。」徐子珊則說：「我由冇人識到選港姐入無綫依家咁多fans，都係無綫帶畀我，又畀機會我出去拍電影，其實無綫藝人自由度好高啫！」至於「Laughing哥」謝天華則說：「入無綫都係機會多，我由一騷制捱到依家包薪，的而且確畀我好多機會。」

樂易玲還以顏色

無綫高層樂易玲更直指做娛樂係百花齊放並非互揭瘡疤，她說：「觀眾係鍾意睇好戲唔係睇呢啲，佢動土我恭喜先，但我都要同所有台前幕後講，魚唔過塘唔肥，唔爭就唔吃香，我都希望佢哋真係肥到。其實我最高興係見到余慕蓮簽咗城電，到呢個年紀都可以有機會發揮。（接受『回頭草』？）世界係圓，我哋有大台風範亦有容人之量。」

徐子珊認為無綫自由度大，給她很多額外工作。	黃宗澤與胡杏兒曾獲准拍內地劇賺外快。	謝天華在無綫有很大得着，對娘家十分忠心。