仍是學生的電影《開心魔法》女星李蔓瑩（Renee）早前「大出血」，豪請媽咪及弟妹到日本大阪旅行，但她笑言是「一鋪清袋」，返港後要再努力儲錢：「我哋都係第一次去日本，跟團去咗五日四夜，旅程好豐富呀！（慳住使？）不嬲買嘢唔算瘋狂，但都買咗護膚品同啲精品，真係好靚，價錢又合理。」
提到難忘經歷，Renee笑言遊東大寺時被梅花鹿包圍：「佢哋好乖任人摸，但係咁舔我件羽祴，可能件衫有啲嘢食嘅味。」此行Renee最慶幸可看到雪景及試穿日式浴衣，她直言向來鍾情日本文化：「我成日睇日劇同卡通片，最鍾意宮崎峻作品，同埋恐怖片《午夜凶鈴》，愈驚愈要睇！」
