梁烈唯「金磚」 冧女友

唯唯跟女友拍拖近十年，可謂「打風都打唔甩」，雖然兩人的感情細水長流，但鬼馬的唯唯亦不時為女友製造小驚喜。這一次，唯唯就發揮他的小宇宙，特意創出愛心西多士。他表示這款美食是「講心又講金」，他解釋說：「西多士就好似金磚，寓意送晒啲錢畀佢，而麵包皮砌成嘅心心，就代表成日都掛住佢，中間嘅點綴就好似向日葵，代表開開心心。」之後，他又擺個「煞食」甫士，不但使出郭富城式的迷人電眼，又咬着花，相信女友一定很受落。

沖涼示愛

唯唯不但會整嘢食，原來他不時對女友使出冧招，令女友都大為感動。他說：「我試過用一支冇色嘅箱頭筆喺廁所塊鏡寫上『I love you forever』，等佢沖涼時啲水蒸氣出嚟嗰陣，啲字就會喺塊鏡度顯現，好似『無字天書』咁！」

自認情緒化的唯唯，很感謝女友的愛護和照料，令其躁鬱症康復。

唯唯把愛心餐端上，仲單眼咬住支太陽花，女友一定好冧。

搵錢結婚

人氣急升的唯唯得無綫力捧，現正拍攝重頭劇《大太監》。雖然事業看似一帆風順，但他亦自爆曾患上躁鬱症，又說曾在入油時嫌服務員手腳慢而向對方咆哮，但幸得女友的支持和鼓勵，他亦逐漸康復。問他何時跟女友拉埋天窗，他就說：「等我搵多啲錢先！」

攝：謝國華

場地：大少爺茶餐廳