張信哲巡唱挑戰話劇
入行逾二十年的台灣靚聲男歌手張信哲（阿哲），原來曾對「情歌王子」這個稱號感到厭倦；另外，阿哲表示對唱作男歌手方大同印象尤深，大讚對方是位出色唱作人。
張信哲將於三月底假紅館舉行兩場《我看見世界巡迴演唱會》香港站，阿哲表示今次會加入話劇元素，並會在個唱再獻唱廣東歌，問到唱廣東歌是否仍有難度？他說：「要挑剔都有，因為聽番以前自己唱嘅廣東歌，覺得可以再標準啲。」早前阿哲推出專輯《初》，寓意由頭開始，他說：「希望今張專輯有新鮮感畀樂迷，嘗試自己鍾意嘅嘢。」
欣賞方大同
阿哲入行至今唱盡無數經典情歌，被譽為「情歌王子」，偏偏他曾對這稱呼感厭倦，他說：「原本都好討厭，但依家可以同呢個稱號相處，係一個定位﹗（有冇人可以接你班？）都有好多嘅，呢幾年我好欣賞方大同，佢係一個好有Style嘅唱作人，佢嘅風格係冇人學到，別樹一格。（開班授徒？）唔會，我唔識教人。」
入行多年的阿哲仍保養得宜，他謙稱：「其實老咗好多，只係工作心態上嗰團火仲喺度。」事實上，除了唱歌外，阿哲近年還成立劇團，首部劇目《花季未了》獲不俗評價，為他注下強心針。
採訪：戶冊平
攝影：沈健程
場地：Red Quarters
髮型：Johny Wu@Hair Corner
化妝：Cathy Lau@Colour Corner