李蘊盼脫模主攻歌影視
李蘊去年出寫真賣過萬，升呢成為「宅男女神」一族，不過她坦言今年希望拍更多電影、電視劇，實行多元發展，不只出寫真獨沽一味：「我已經確定咗會接拍一套福音電影，同埋會拍電台劇，另外亦都會出番碟，做番一個歌手應該做嘅嘢，唔好成日畀人覺得係一個淨係識拍寫真嘅o靚模！」
Renee日前出席好姊妹、19歲女藝人黃子菲的婚禮，對於好姊妹嫁得一戶大律師好人家，問她可羨慕？她說：「好戥佢開心呀！覺得佢好幸福呀，19歲搵到一個好歸宿！」
「婚」期未定
問她與劉謙龍年可有打算向人生下一階段進發、結婚生B？她說：「未必，都講唔定，最緊要相處得好，要更了解一個人先可以去下一階段，而家都係了解中，咁少時間見面，（你恨唔恨結？）一定會結，不過唔會咁快！」她千叮萬囑記者要寫她不希望經常被問戀情，希望大家更多留意她的作品，不要經常將焦點放在她與劉謙的關係上。