陳偉霆行蠱惑 詩雅割愛
歌手陳偉霆（William）和演員詩雅（Michelle）再度攜手演情侶，戲中兩人將作新嘗試，前者做蠱惑仔，後者則要剪短視如命根的長髮扮專業人士，兩人為扮演新角色，不諱言在開拍前要向有關方面人士取經！
William和女友蔡卓妍到外地旅遊充電後，將投入拍攝新片，今次William作新嘗試扮演有「背景」人士，但為以全新方式演繹此角，有意在造型上反傳統，他說：「印象中，蠱惑仔都係好多紋身，我就想試做個潮版，考慮將身上所有紋身用特技化妝遮晒，仲要做一個唔講粗口、有學識嘅蠱惑仔。」因角色需要，William要講大量江湖術語，他除要向導演及編導索取資料外，亦不排除跟有關人士接觸，希望做到似模似樣。問他或要跟江湖人士見面，可會害怕？William哈哈笑說：「唔會驚，社會上有好多不同階層嘅人，我只當增廣見聞。」
煲熟專用詞語
第三度跟William合作的Michelle，自言和對方相當有緣：「我哋簡直係情侶啦，不過只限於銀幕上。」由於她的角色要保密，Michelle未能透露詳情，只可說：「係做專業人士，要講好多專用詞語，我都要臨急抱佛腳，快啲搵有關人士學習知識。」她又說為演活角色，考慮將其留了10多年、視如命根的長髮剪短，問她可會捨得？Michelle坦言：「唔捨得架，但如果劇情需要，我都會忍痛剪短，但當然要諮詢過廣告客戶意見，避免出現『貨不對辦』嘅情況。」
文：音樂組