黃智雯拒絕爭仔等人追
憑「關二嫂」一角人氣急升的黃智雯（Mandy），最近於新劇搖身一變成實習醫生，雖然未有如二嫂般擁有乞人憎嘴臉，但性格卻非常進取，又與家姐針鋒相對爭仔，不過Mandy坦言現實中性格剛好相反，若然姐妹愛上同一男仔定必讓愛。
早前黃智雯（Mandy）於劇集《缺宅男女》演「關二嫂」一角，憑尖酸刻薄的語調兼人見人憎的嘴臉，成功讓觀眾留下深刻印象，人氣亦因而急升，最近Mandy於新劇《On Call 36小時》中則脫離屋邨，搖身一變成為專業人士，擔任首年實習醫生。
相信一見鍾情
雖然未有秉承二嫂的不良性格及嘴臉，但今次Mandy無論於感情及工作也很積極進取，甚至乎要與飾演其家姐的楊怡爭仔，為了取得心儀對象歡心，還不惜主動獻吻！問到現實生活中是否如此主動爭取？Mandy笑謂︰「梗係唔係啦！我多數都係畀人追，自己唔識主動。」
雖然現時感情生活一片空白，但Mandy不諱言對此漸漸抱開放態度，不介意與異性單獨約會，更謂︰「我相信一見鍾情，但有時第一眼未必鍾意，所以就透過食飯了解多啲，咁就算拍唔成拖都可以做朋友啫！」
開豬腦要閉氣
談到戲中與家姐爭仔，Mandy表示現實中絕不會發生，皆因她向來不喜歡爭奪，她謂︰「畀你爭到又點？所以我會選擇讓愛，因為我都想對方開心，咁如果個男仔真係鍾意你，最終都係會揀你啦！」對於拍攝時既要應付大量醫學專業字句，又要練做手術手勢，令Mandy大感困難，透露曾試過以豬腦練習動人腦手術，結果被那股濃烈味道逼她要閉氣，印象相當難忘。
採訪：影視組
攝影：吳文聰
服裝：izzue
場地：McSorley's Ale House