關楚耀拍電台劇亮相無綫

Kelvin和唐寧於過去的周二，一個撇低圈外女友Megan，一個放低老公兒子，齊齊拍劇共度情人節。而兩劇在身的Kelvin，之前一天拍到凌晨才收工，昨晨又要拍攝一場練跑戲，睡了數小時的Kelvin未有呻辛苦，還笑言拍「跑步」順道當晨運。

炒車弄傷手腕

戲中唐寧和Kelvin演一對小夫妻，對於Kelvin這位演戲初哥，唐寧卻讚口不絕：「佢真係好少NG，試過幾次同歌手合作，發覺佢哋共通點都係記對白好快，可能係記慣歌詞關係。」而Kelvin謂：「唱歌都要投入感情，發覺拍戲同唱歌都好相似。」Kelvin表示戲中他是駕救護電單車，因拍攝一場炒車戲而不慎弄傷手腕，初時不以為意，還繼續健身舉重，終於傷上加傷，要針灸和推拿才慢慢痊愈。

有望3月出碟

至於Kelvin因之前唱片公司和無綫關係冰封，便轉戰拍劇生涯，至今除幫亞視拍了一部劇集外，還幫電台拍劇，據知今次亦會在無綫播出。講到靠電台劇亮相無綫？Kelvin笑言：「唔好咁講，多啲機會畀我，多啲平台畀大家見下我啫。」至於契爺譚詠麟亦將於3月中為無綫的慈善節目演唱，可會叫契爺出馬帶挈演出？Kelvin則謂：「呢啲都係等公司同公司搞啦，自己做好本分等公司安排啦。」Kelvin表示雖然過去一段時間都是拍戲，但自己沒有放棄唱歌，並已開始錄歌，希望3月會有新碟見歌迷。文：音樂組