老公突現東瀛欣欣喜落淚
【袁霆日本直擊】江欣燕（欣欣）、錢家樂、麥長青和EO2成員Otto等藝人，日前應日本觀光局的邀請，遠赴當地拍攝旅遊特輯《春之日》，情人節當日欣欣本以為要「dry 爆」度過，豈料晚上隨團友食飯時，老公吳積遜（Jackson）突然現身，更送上鑽石戒指、蛋糕及心意卡，令欣欣感動流淚，更應記者要求即場接吻，事後欣欣表示：「我之前同Jackson講電話，佢仲呃我話喺東莞同人傾生意，估唔到佢過嚟，真係好開心！」
另外翟威廉與裕美亦由日本東北返港，翟威廉笑言被朋友取笑為「輻射仔」，並提醒港人要有災難意識，有日本血統的裕美坦言：「以前因為父母離婚，所以好憎日本，但今次探訪令我改觀，日本人真係好友善！」
