黃貫中爆朱茵煮飯仔難食
黃貫中（Paul）、林宥嘉及糖兄妹昨日出席環保演唱會記招，糖妹自言是環保之人：「以前男朋友送花我會覺浪費，情人節我冇收花亦冇人暗示。」她謂曾傳短訊予暗戀對象表白，惜遭拒絕，但她自言是打不死，不會留陰影。
而Paul透露情人節與女友朱茵煮飯仔，並收到對方的禮物，他笑言：「女人忽然煮飯唔好制，因幾難食都要食，好彩我去得多發展中國家，慣咗。」他並言下次出碟帶狗拖女友出街作宣傳，成效可能較大，又謂曾有人出400萬高價買其愛犬，已被他拒絕。對於好友蔡少芬被指大屋搬細屋套現？他說：「喺我眼中佢係富婆，我周時都大屋搬細屋，佢可能因為校網等原因。」