關菊英否認英國嫁Willy
昨日有報道指無綫藝人關菊英與同性密友周偉利（Willy）計劃飛往英國註冊結婚，並由契媽李香琴擔任證婚人。菊姐昨回應指絕無此事：「我飛日本前後都見到嗰間雜誌嘅記者，佢哋問我Willy情人節會唔會求婚，當時我答：『你問啲問題咁得意，我唔識答。』但最後個報道又話佢煎牛扒我食、又話去教堂，我三十幾年無食牛肉，而且我信佛，點會去教堂？」菊姐表示琴姐亦因報道「激到生蝦咁跳」，她說：「話琴姐做證婚人喎，點解要搞啲老人家呢？」
另對於有報道指關菊英因對無綫心灰決定年尾不再續約，菊姐強調與無綫仍有年多約，現暫沒有想過續約與否，她又強調新碟是自資、非Willy出錢。