老公濕咀阿詩 徐濠縈唔嬲：小兒科
大前晚陳奕迅與何韻詩在黃偉文作品展尾場濕吻、摸胸及掃Pat，雖然熱辣辣，卻沒有激嬲老婆徐濠縈，前晚阿徐出席活動時講笑說戥阿詩蝕底，益了老公，她說：「可能係大陸人唔知首歌有咩意思，所以先喺微博瘋傳。其實每晚個騷都有gimmic，我事前唔知，我睇到都笑住咁叫，啲人覺得我會唔開心，其實唔會，今次真係好小兒科。」
阿徐指老公已咀過很多人，現場見到他咀阿詩時，即用手遮住女兒眼睛不准看，她說平時與老公很檢點，錫也是點到即止。問她會否乘機給女兒傳授性教育？她說女兒早熟，故有問題會解答。
另外，前晚勁歌錄影，關心妍被問到陳奕迅啜爆一事，笑言若對手是陳奕迅，自己可以接受，指老公定會體諒。泳兒表示對摸胸反應好大，若發生自己身上，自然反應會推開對方，脷疊脷會怕醜。