Baby踢爆熊黛林：嫁得快過我
「吸金女王」Angelababy與熊黛林（Lynn）近期雙雙傳出婚訊，即引起廣告商關注，兩人異口同聲否認，Baby揚言拍拖已要避忌，所以結婚一定要張揚，還鬼馬笑說：「我諗Lynn快過我！」
Angelababy、Lynn、姚予晴、楊汀叮與一眾師妹齊出席其Style模特兒公司春茗。情人節剛過，Baby透露當時在北京與fans度過。對被影到探緋聞男友黃曉明班，她即甜笑，不敢多言，也不透露曉明送甚麼禮物。
否認收千萬水晶
對於有傳收幾千萬水晶？Baby說：「冇，係誤傳，我冇收過水晶，鑽石都冇，情人節最緊要有心就得，想要嘅自己都買到，唔需要。最想多啲時間一齊？唔好幫我講嘢，總之今次係好開心嘅情人節。」
Baby再次澄清與黃曉明的結婚證書是偽造，她表示大陸的結婚證書不是這樣，內地人一看就知是假。問她結婚消息有否影響工作？她說：「有廣告商打畀經理人Kim問真定假，佢接咗好多電話問。（想嫁？）冇諗過，希望拍戲先，如果結婚會講畀大家聽，唔會隱瞞，拍拖都咁避忌結婚唔會再避。」被問到她與Lynn誰快結婚？Baby說笑說：「好似跑馬，我諗Lynn快過我。（有冇人求婚？）冇，自己都未ready。」
Lynn被問到情人節身在泰國拍戲郭富城有否越洋送花？她謂只要有心，不一定情人節先送，日日都是情人節。至於是否做龍年新娘？她否認：「梗係冇咁快！呢個傳聞出咗，對我影響好大，啲客怕我結婚之後會退出。我想講畀大家知我仲有好多工作嘅計劃。（婚後繼續工作？）一定會，我覺得有事業嘅女人先有自信，有自信嘅女人先靚。」
內衣畀身邊人睇
Lynn謂她一向鍾意內衣，希望有自己設計的內衣品牌，城城亦會支持，她說：「學多啲嘢，佢都開心啲。（第一個畀邊個睇？）自己身邊嘅人睇。（自己做生招牌？）如果有需要，可以考慮。不過自己做image girl都有性感底線。」對於泰國爆炸，她說：「淨係聽件事梗係擔心，始終爆炸。（有冇聯絡上城城？）有聯絡上，知佢冇事。」
採訪：名人組