金剛溝港姐要李善恒介紹
前香港先生李善恒（Jacky）與應屆港姐朱希敏撻着，去年曾與李善恒合作拍攝節目《街坊廚神》的藝員金剛接受電話訪問時表示：「冇聽聞過！不過Jacky咁大隻、咁靚仔，啲女仔實鍾意呢啲類型！」
金剛又大讚李善恒是好男人：「我哋之前一齊做節目，都想撮合佢同王淑玲，覺得佢哋外形好襯，不過就唔成事。」近期回復單身的金剛，被問可會要求對方介紹港姐給他認識？他笑說：「咁梗係要啦！我即刻問佢！其實自己拍拖一路都未斷過，依家回復單身，暫時都想抖吓。」小儀則說：「香港先生同香港小姐拍拖好合襯，Jacky係好男仔嚟架，等我打畀佢八卦吓先！」