王敏德撈過界 直升機造勢
王敏德（Michael）向來多才多藝，最為人熟悉的是他考獲直升機牌照，又試過出唱片和搞生意。如今更撈過界，着手籌辦屬於自己的品牌，並陸續跟多個知名品牌合作，推出名為MW（Michael Wong）的Line。即將推出皮革產品，Michael表示：「我條Line主要畀人活力嘅感覺，係一種生活態度。MW喺設計圖案上有四個圓圈，分別代表唔同意思，其中箭嘴好似直升機，又好似一個方向咁，而加號就好似『Add more to your life』。」
唔受老婆影響
另Michael表示今年將專注於品牌的設計事宜上，問到如今投身時尚界，是否受名模太太馬詩慧（Janet）的影響？他說：「冇受老婆影響，我哋有唔同idea，佢冇參與意見，我有自己個design team。」Michael又透露籌備品牌的時間不算太長：「用咗唔耐時間，今次係我first line，皮包都係同一隻色，之後我會發展second line，各方面就會有少少唔同。」雖然在事業上又拓展了一個新領域，但Michael表示不會放棄電影工作，可見Michael這個工作狂常忙得不可開交，至於會否少了時間跟家人相處？他就表示：「唔會，兩樣嘢分開，但有時喺屋企突然諗到新idea，都會話唔好意思，我要諗吓嘢。」
直升機一分為三
另外，Michael為了MW產品於今日舉行的發布活動，特意將直升機拆卸為三部分，然後趁深夜時分在舉辦活動的商場內，再把直升機還原，使場面非常壯觀！
採訪：李惠儀
攝影：劉智源
場地：SR Gallery Cafe