呂方冇女陪睇戲

呂方與拍拖16年的鄭裕玲（DoDo）分手至今已3年多，雖然他自稱多女人追求，而且不時被拍到有不同女伴相陪，但今年情人節前夕卻形單影隻。前日下午三點多，呂方被發現一支公現身中環悶爆行商場，表現得相當無癮。原本以為呂方有美相約預祝佳節，但見他漫無目的穿梭商場，行了一陣未有收穫，未幾走入戲院，左望右望下終於選定一套即將開場的西片，馬上買飛入場睇戲解悶。