梁佑嘉慳家100蚊玩全日
被標籤為「富家女」的樂壇新人梁佑嘉（Abella）日前在鬧市行街，更不顧儀態踎低睇平貨，全日用了不夠100元，甚至連一份雞蛋仔都食足一個下午，絕對慳家。
梁佑嘉（Abella）日前於銅鑼灣行街「濕平」，未知她是減肥還是慳錢關係，一份雞蛋仔竟食足整個下午！又見她於不少名店門外來來回回，分別睇錶睇手袋，但全程齋睇唔買，只限「欣賞」。
20蚊買leggings
之後Abella到附近的平價化妝品店，身為藝人的她為睇平貨更踎低選購，完全不介意旁人目光，但仍是苦無收穫。隨後Abella甫見到街邊車仔檔進行清貨大平賣，即跑到車仔檔中尋找心頭好，經過一輪左揀右揀後，她終於在銀包拿出20蚊購買一對leggings，滿足購物慾。
親民坐港鐵
雖然Abella購物前要左諗右諗，但對於捐錢則不遺餘力，相當有善心。於銅鑼灣購物後，她便搭平民交通工具離去，在港鐵車廂內她雖被途人認得，但一於少理繼續講電話，全日消費更是100蚊有找，相當慳家！
文：音樂組