娥姐聞遲到扯火︰好懨悶
商天娥（娥姐）、張兆輝、梁靖琪、張致恒、林夏薇等昨出席劇集《結．分＠謊情式》宣傳，現場更宣布劇集將添食至138集。早前屢傳拍劇期間經常遲到的商天娥，昨日出席活動遲到十五分鐘，連累演員呆等，待她出現，活動才正式開始。
自稱早到十五分鐘
娥姐接受傳媒訪問時，被問到何解遲到？她堅稱自己沒有遲，商天娥表示：「唔係，我比活動早十五分鐘到咗，只係我嚟到唔熟路，不停咁兜圈，要工作人員帶路，佢哋可以做證，千祈唔好話我遲到，我好準時！」
對於被指故態復萌不時遲到？娥姐扯火回應：「唔答呢啲嘢，之前澄清咗唔想再講，好懨悶！我係一個好準時嘅人！」
被指逼幕後改通告
最近不停有讀者報料指商天娥拍劇期間「罪行」滔天，昨有指她迫令幕後改通告令她可在情人節放假，若不就範就暗示罷拍之後加的集數，兼遲到不准工作人員致電催促。記者就此事致電監製關永忠，他表示全部未有聽聞過，至於情人節，娥姐是否放假？他表示：「時間表唔喺手，唔清楚。」另有傳聞指劇集原本欲添食六十集，但最後決定只加十九集，原因受挖角潮拖累，關永忠表示：「唔係，只係因為下一個處境劇同廣告商簽咗約，要喺五月出街，先唔能夠添咁多。」
文：影視組