歌手羽翹（圖）昨日出席續約儀式，她表示提早一年多與公司續約，並透露會與張智霖及甄子丹等人合作拍電影：「同甄子丹合作嗰部戲我唔使打，但聽聞會死得好慘。」問到公司續約條件有否要求不可拍拖？她說：「公司冇唔畀拍拖或結婚，覺得呢啲經歷都有助拍戲同唱歌。」
而將飛到外地拍MV的她，就自爆未能挑選男角：「因為我鍾意啲貧血到就嚟暈嗰類男仔，但男主角要揀大隻仔，所以揀咗好耐！（搵羅力威？）一定唔會，因為同角色唔似！」而其經理人蕭定一就表示，花近七位數與羽翹續約及簽片約。
