周秀娜與Avis拍拖近6年，感情非常穩定，被視為圈中「打風都打唔甩」的一對，身材惹火的周秀娜更鮮有緋聞，除了去年因合作電影被指發電挑逗台灣男星蕭敬騰及「大隻仔」羅仲謙外，更與電影監製黃永峰傳緋聞，但全部無下文，更遭娜姐即時否認。另一邊廂，Avis於10年被指趁女友到日本行騷時，與惹火女模Ella同遊泰國，其後去年又被指趁女友離港工作時，搭上傅穎和女友同門師妹CoCo，但統統都是煲水新聞，未有影響兩人多年的感情。
「之前我睇咗佢嘅緋聞，都冇擔心過佢有外遇，呢啲睇雙方了解同信任有幾深，我對自己嘅條件好有信心，哈哈，我咁索佢仲邊會曳曳？我會當娛樂新聞同笑話笑吓，你知我一個人喺第二度有幾悶，有時得閒睇佢啲古仔都幾好睇。」