Avis：佢唔係要靚仔
周秀娜近年吸金力驚人，單是去年已進帳2,000萬港元，難免遭外界指開髮型屋及兼職Model的男友Avis搵得少過女友，對於這個說法，Avis與女友口徑一致，他說：「其實搵幾多你哋唔知，大家各有各忙，加上做嘅嘢又唔同，我唔會Care。人哋點睇冇所謂，最重要係我同佢點睇，依家大家都係搵銀搏殺期，唔會計較大家搵幾多。」問是否搵「老婆本」？他則說：「我未諗結婚，大家目標都係搵錢，結婚暫時都未有計劃，等打好個基礎先。」
Avis直言二人感情相當穩定，更不擔心女友受到娛樂圈的誘惑而感情出危機，他說：「其實我冇擔心過佢，會唔會變心係睇性格，就算一份好普通嘅工都有誘惑，大家好信任對方，清楚要啲咩，如果要變心一早就變咗，而且呢行大隻靚仔多的是，但女友唔係要呢啲嘢。」