黑人天后逝世震驚中港台

香港星

薛凱琪：好震驚，佢咁後生就過身！一向都有聽佢嘅歌，佢啲舊歌都聽到熟晒。之前睇佢上節目講吸毒，連續半年匿喺間屋度嘅日子，好彩佢最後都醒覺咗。做巨星壓力好大，但毒品解決唔到問題。

周柏豪：真係好可惜，我由細到大都聽佢啲歌，少咗個欣賞、享受音樂嘅巨星。

周柏豪	容祖兒	甘國亮

容祖兒：雲妮歌聲好特別，冇人可以取代，若真係受毒品影響就很可惜。

鄧紫棋	許茹芸	黃曉明

謝霆鋒：咩話！點解無喇喇會咁嘅？唔係嘛？佢個樣唔似吸毒，又冇聽到話佢有癌症，見佢個樣好健康喎！

陳慧琳：我喺美國讀書時已好鍾意聽雲妮嘅音樂，覺得佢唱功很了得，歌聲具感染力，咁樣就去咗真係好可惜。

MC Jin：我十二歲嗰陣正值雲妮事業巔峰期，真正聽佢歌聲長大，遺憾未現場欣賞過她演唱。

張敬軒：05年我喺香港機場見過雲妮，覺得佢好友善。我欣賞佢台上嘅演出，唔會理佢私事。

甘國亮：唔可以每個歌手離世都話可惜，佢一而再咁話戒酒，我覺得佢如果戒酒嘅話一定可以唱到更好嘅歌！

徐濠縈：嗰樣嘢（指毒品）唔好掂，生命冇take2。（有傳佢死前身上不足美元100蚊。）冇理由！佢食歌嘅版稅都有排食，唔係使晒啲錢去食毒品呀？真係食死人o架！

林欣彤：我好鍾意佢嘅歌，佢唱歌嘅感染力好似講嘢咁直接，係我練習對象之一。

杜汶澤：我後生都有段時間濫藥，真係覺得早戒早享受，先會有轉機，我四十歲事業先係啱啱起步。

譚詠麟：Whitney Houston R.I.P. We'll always love you！

鄧紫棋：以前中學時參加歌唱比賽我常常唱她的歌，入行後開演唱會，上電視節目，也常常唱她的歌。

李蕙敏：還記得自己出版的第一張唱片的第一首主打歌，正是改編Whitney的《I Will Always Love You》！知道她離去了！只能懷念！

台灣星

許茹芸：她是我高中時代的回憶，謝謝你如天使般美麗的歌聲。

蔡健雅：你是一個傳奇。

內地星

黃曉明：緬懷當今樂壇偉大的流行女歌手，我很喜歡她的歌。

韓紅：非常非常難過，我初學流行音樂唱歌時的老師！真的難過，惋惜！感謝你曾經對我音樂上的幫助。