李彩華熟女獻唱 唔敢扮Cute
久未在紅館公開獻唱的李彩華（Rain），下周一會擔任一個演唱會的表演嘉賓。女人味爆燈的Rain笑言遇上「難題」，因她要獻唱Cute味十足的《你唔愛我啦》，故費煞思量如何在女人味及Cute味兩種感覺之間取得平衡。
李彩華近年密密北上拍劇狂吸金，成為圈中小富婆，早前她偕才俊男友潘啟翀「蜜」遊韓國充電，又買樓贈母，事業愛情兩得意，她說：「辛苦工作完要回報自己，買屋都係投資保值，啲錢最緊要用得其所。」
雖然近年頻頻拍劇，但Rain未忘歌手身份，下周一她將擔任一個演唱會的表演嘉賓，屆時獻唱自己作品《你唔愛我啦》，她說：「都有差不多四年冇公開獻唱呢首歌，首歌唔需要好高技巧，只係唱得好Cute同好輕鬆。」
感情自然流露
惟Rain現時女人味十足，她聞言笑說：「我依家唔係好Cute，但用成熟唱法及打扮去唱呢首歌，又好似唔Match，惟有自然流露啦，應Cute則Cute啦﹗」對於獲邀擔任個唱嘉賓，Rain笑言：「嗰刻知道有得做嘉賓，開心到飯應﹗」
未有計劃結婚
另外，Rain去年拍攝的內地劇集包括《錯嫁》、《獨立縱隊》及《寶貝計劃》，今年將陸續播映，她直言十分期待。問到何時結婚做少奶奶？她說：「今年仍然係搏殺期，我係辛苦命，暫時未有結婚計劃，就算將來結咗婚，我仍然會做嘢。」
文：專案組
採訪：戶冊平
攝影：吳文聰
化妝：Emma Lee
髮型及場地：Daniel Chou@Hair Corner