徐濠縈無暇湊女被詐型

Crossover於時裝界不是新鮮事，而今次徐濠縈的時裝店Liger就與lab by Lane Crawford攜手呈獻Pop-up store，前晚並舉行派對，一身螢光色打扮的阿徐表示上星期已帶老公Eason（陳奕迅）視察該概念店，更被大讚：「佢話為我驕傲、以我為榮！」她又坦言因工作繁忙沒時間湊女，被女兒詐型，而本月尾到歐洲入貨，更會欣賞巴黎時裝騷，她有感而發：「我連續四年生日都在巴黎過，冇得同個女一齊慶祝，（Eason會否飛去陪你？）舊年佢已經飛去巴黎畀驚喜我。（今年再期待？）期待就唔係驚喜！（提前慶祝？）咁咪提前好多？我正日係3月7日，我最想同個女一齊慶祝。（舉家去巴黎？）個女要返學，學業緊要，開得時裝店就要取捨。」