圓圓 加讚遊杜拜犯險親密
汪圓圓與男友、「玩具大王」兒子蔡加讚（Karson）向來甜到漏，早前二人飛往杜拜度春節，難得遠離狗仔隊，可是當地民風保守，男女嚴禁在公眾場合拖手與咀嘴，二人全程被迫循規蹈矩。
圓圓與Karson於農曆新年期間到了杜拜旅行六日，共度二人世界，但一對小情人竟然不能太過親密。圓圓表示出發前做了資料搜集，發現原來當地嚴禁男女在公眾場合有拖手或親嘴等親密舉動，她說：「如果畀人見到，途人可能會報警，咁就要坐監，所以我哋好小心，舉動唔敢太親密，怕錫一啖就要坐監。原本諗住喺外地旅行冇狗仔隊可以放鬆啲，冇諗過會咁，不過我哋都有好大膽咁拖手。」
被迫偕友三人行
除了這方面出乎他們的意料外，他們也計算錯當地氣溫，圓圓稱今次入住棕櫚島的ONE & ONLY酒店，以為可以盡情享受陽光與海灘，更帶備了多套背心熱褲及泳衣，但當地氣溫竟跌至13度，她無奈說﹕「我哋惟有改變計劃唔游水，好在有住喺當地嘅朋友帶我哋四圍玩，變成三人行。」
122樓歎燭光晚餐
二人參觀了全球第二大的清真寺Jumeirah Mosque、全球最大的商場Dubai Mall、全球最高的大廈Burj Khalifa、並在位於122樓的餐廳品嘗浪漫的燭光晚餐，又到沙漠騎駱駝，行程豐富。Karson笑言：「我仲食咗我覺得係全球最好食嘅和牛餃子，而且當地人揸嘅車都好靚又特別，令我大開眼界，我影咗好多相留念。」
文：名人組