連詩雅錫身惜肉驚扯落台
歌手連詩雅（Shiga）近日頻頻返內地出席酒吧騷，每次都「塞爆場」，主辦單位即時加歌酬添食四場，縱使要六小時來回車程，Shiga坦言非常值得，因舞台經驗比錢更重要，她說：「錢係買唔到經驗。」連詩雅（Shiga）日前獲內地酒吧邀請舉行一連四場迷你音樂會，由於四場騷不同地方，Shiga所到之處必吸引過百捧場客，擠得整個場水洩不通。
唔驚被抽水
Shiga更連續四日香港、內地來回跑，首次唱酒吧騷的她非常錫身不敢作性感打扮，公司亦細心派出一男兩女助手同行，避免Shiga遭醉客乘機抽水。
由於四場酒吧騷反應熱烈，主辦單位要求添食，並主動加歌酬，Shiga荷包豈非腫脹不少？她哈哈笑說：「OK啦，滿意，實收幾多錢真係唔知，信任公司安排。（擔唔擔心有人乘機抽水？）唔驚，除咗有助手陪，大會都安排好多大隻佬保安畀我。」
鍛煉攞經驗
Shiga為親近歌迷多次走近台邊，但卻不肯與歌迷握手，她解釋說：「唔係唔想握，因為個台好高，怕熱情歌迷唔小心扯咗我落台。」
她形容每場都吸取很多經驗：「想喺一、兩年後舉行音樂會，所以呢個係好好嘅鍛煉，學識一個人喺台上點搞氣氛，錢係買唔到經驗嘅，所以我好珍惜。」
文：音樂組