劉心悠情人緣來沒法擋

劉心悠裙下之臣不少，卻沒有一個能打動芳心，入行後再沒有拍過拖，堅持自己一套擇男準則的她說：「愛情是一門很深的學問，萬一抉擇錯誤便後悔莫及，所以一定要精挑細選才行。」

搵米奇頂住檔

今年心悠又再一次度過單身情人節，日前她專程入主題樂園找米奇老鼠共進浪漫晚餐，她說：「我都好鍾意呢個卡通人物，我又冇男朋友，咪同佢撐住枱腳先囉，都好浪漫架！」於新片演天生愛情狂的她，現實中剛好相反，愛情在她心目中並非首位：「我覺得呢樣嘢幾莫名其妙，唔係畀人hurt過，而係緣分囉！」

劉心悠難忘讀書時，男友在情人節弄愛心大餐。	等待愛神	同米奇撐枱腳

父母收口唔催

以往父母曾催促心悠拍拖，眼見女兒無動於衷，近年已「收口」，是否她要求太高？心悠即撒嬌說：「唔係囉，起碼唔可以細過我，我唔想做人家姐或者媽咪，年紀大我少少OK，我享受畀人保護嘅感覺，不過唔可以有爸爸feel喎！係心靈成熟度問題。」曾幾何時心悠也嘗過深刻情人節：「嗰時我邊讀書邊打工，點知當日返到屋企，男朋友已經整定晒嘢食，雖然唔係心形牛扒，但嗰份心思我全部收下，好sweet。」

文：影視組

攝影：李廣成

化妝：Jan @ Annie G Center

服裝：Bread & Butter

場地：香港迪士尼樂園酒店