阿佘戲如人生等真愛

如果命運能選擇……雖然神劇《天與地》已曲終人散，但佘詩曼及陳豪在戚其義（阿戚）監製的新劇《4 in Love》中，繼續發放愛與希望的訊息，為「The Dying City」注入活力。阿佘大讚新劇輕鬆兼幽默，是阿戚的破格作品：「角色第一次冇包袱，個心唔使再乸住乸住！」

畀情信嚇親

談到劇中「國際巨星」童靄瑤（阿佘飾）戀上「MK仔」余鎮東的情節，陳豪說：「呢段童話式愛情雖然超現實，但帶畀大家憧憬同希望。」但自己的感情史卻平淡如水：「我份人好傳統，成咗年先拍拖o架！以前有女仔寫情信畀我，嚇到我即刻丟咗！」

至於阿佘直認戲如人生，並慨嘆難以與圈外人發展：「如果真係鍾意都冇辦法，但男方要做好心理準備，雙方要堅持同零猜疑先得。（勾起憧憬？）呢個當然係我嘅憧憬，希望搵到真愛。」

縱然劇情輕鬆，但阿佘大呻「辛苦到想死」，她說：「拍外星人嗰場戲要喺天台吊威吔，但阿戚不斷叫我行出啲，仲叫我伸埋手出去兼大嗌，搞到啲途人以為有人跳樓！」為了演活百變巨星，阿佘於一天內變身古裝女鬼、貓女郎、Matrix及印度女郎，她笑言辛苦到想退出娛樂圈。

被屈感憤怒

此外，早前有指現時同於橫店的鄭嘉穎、佘詩曼「翻撻」，不過嘉穎稱未曾見過對方；昨日又有報道指阿佘秘密約會胡軍，更指走時胡軍輕攬她，對此，阿佘於微博上載了Angry bird糖照片，更留言指又有不實報道，真的沒好氣。

文：阿彭

攝：劉智源

髮型：Billy Choi@Hair Culture

化妝：Marsha@A&V make up School